मसुरी, नैनिताल नाही तर गर्दीपासून दूर आहे हे शहर, उत्तराखंडचे सर्वात सुंदर हिल स्टेशन…

जर उत्तराखंडमधील हिल स्टेशनला भेट देण्याबद्दल विचार करत असाल तर मनामध्ये मसूरी आणि नैनीतालचे नाव सर्वात पहिला येते. पण जर तुम्ही या दोन्ही हिल स्टेशनला सीजनमध्ये गेलात तर तुम्हाला समजेल कि या ठिकाणी फिरण्यास तेवढी मजा नाही. गर्मीमध्ये तर या ठिकाणी टूरिस्टच्या एंट्री ब्रेक लावावा लागतो. दिल्लीच्या जवळ उत्तराखंडमधील एका सुंदर हिल स्टेशनबद्दल आज आपण जाणून घेणार आहोत. कदाचित याचे नाव तुम्ही कधी ऐकले नसेल. इथे गेल्यास तुम्ही गर्दीपासून दूर देखल राहाल. लैंसडाउन आपल्या अद्भुत वातावरणासाठी ओळखले जाते. लैंसडाउन गढ़वाल राइफल्सची एक छावणी क्षेत्र आहे. सुरक्षेच्या दृष्टीने हे सेफ ठिकाण आहे, या ठिकाणी तुम्हाला आर्मीच्या जवानांचे येणे जाने देखील दिसेल.
भारतीय सेनाच या शहरामध्ये विकासचे प्रबंधन आणि नियमन करते. यामुळे या ठिकाणी खूप साफसफाई आणि इतर गोष्टींचे नियोजन चांगले केले गेले आहे. एकूण हे हिल स्टेशन गर्दीपासून दूर शांत वातावरणामध्ये आहे. लैंसडाउन जाताना कोटद्वारपासून काही दूर चालल्यानंतर तुम्हाला लैंसडाउनचे सौंदर्य पाहायला मिळेल.
भुल्ला ताल: लैंसडाउन मधील सर्वात लोकप्रिय पर्यटन स्थळांपैकी एक, भुल्ला ताल देखील भारतीय सैन्या द्वारे सांभाळला जातो. जर हवामान ढगाळ असेल तर ढग देखील या तलावाला स्पर्श केल्याशिवाय राहू शकत नाहीत, त्यामुळे ते दृश्य आपल्यासाठी खरोखरच खूप सुंदर आहे. हे शहराच्या मुख्य बाजारपेठेपासून फक्त २ किमी अंतरावर आहे आणि तलावाबरोबरच, तुमची भेट अविस्मरणीय बनवण्यासाठी एक मोठी हिरवीगार बाग आणि काही प्राणी जसे की ससे इत्यादी देखील येथे पाहायला मिळतात. येथील प्रवेश तिकीट १५० रुपये आहे, ज्यात नौकाविहाराचा देखील समावेश आहे.
सेंट मेरी चर्च : लैंसडाउनमध्ये एंट्री करताना शहराच्या सुंदर रस्त्याच्या कडेला बांधलेले हे भव्य चर्च लैंसडाउनच्या सौंदर्यात आणखीनच भर घालते. ते सुमारे १०० वर्षांपूर्वी ब्रिटिशांनी हे चर्च बांधले होते. हे देखील या हिल स्टेशनचे एक महत्वाचे स्थान आहे, ज्याभोवती एक सुंदर बाग देखील बांधली आहे.
टिप इन टॉप: लैंसडाउनच्या बाजारपेठेपासून सुमारे ३ किमी अंतरावर, हे ठिकाण हिमालयातील बर्फाच्छादित शिखरे पाहण्यासाठी सर्वोत्तम ठिकाण आहे. जर हवामानाने साथ दिली तर तुम्ही येथून हिमालयाची अनेक शिखरे सहज पाहू शकता. याचे प्रवेश तिकीट २० रुपये आहे आणि येथे तुम्ही आरामात १-२ तास घालवू शकता आणि विलोभनीय दृश्यांचा आनंद घेऊ शकता.
मेनवारिंग गार्डन: लैंसडाउन सिटीमध्ये एसबीआय बँकेच्या शाखेसमोर असलेल्या या बागेत तुम्ही फॉकलँड्स वॉर आणि बाल्कन संघर्षात भाग घेतलेल्या ६०२ मरीन हॅरियर्स देखील पाहू शकता. ही बागही अतिशय सुंदर बनवली असून त्यासाठी कोणतेही प्रवेश शुल्क आकारले जात नाही. यासोबतच तुम्हाला येथे अनेक रंगांचे ससे आणि कबूतरही पाहायला मिळतील, जे तुमचे मन प्रसन्न करण्यासाठी पुरेसे आहे.
माँ ज्वाल्पा देवी मंदिर: नयार नदीच्या काठावर असलेले माँ ज्वलपा देवी मंदिर हे पाहण्यासारखे आहे. लैंसडाउन शहरापासून सुमारे ५० किमी अंतरावर स्थित हे मंदिर नदीच्या काठावर बांधले गेले आहे आणि हिल स्टेशनपासून मंदिरापर्यंतचा संपूर्ण रस्ता नेत्रदीपक नैसर्गिक दृश्यांनी भरलेला आहे. इथे नदीच्या काठावर मातेचे दर्शन घेऊन काही वेळ घालवल्याने तुम्हाला तुमच्यात एक वेगळ्या ऊर्जेचा संचार नक्कीच जाणवेल.
ताड़केश्वर महादेव मंदिर: लैंसडाउन पासून सुमारे ३५ किमी अंतरावर असलेले हे मंदिर तुमची शांततेची आणि समाधानाची व्याख्याच बदलेल. केदार आणि देवदार वृक्षांनी वेढलेले हे ठिकाण खरोखरच भव्य आणि अद्वितीय आहे. या हिल स्टेशनच्या प्रवासात हे ठिकाण चुकवू नका.
सेंट जॉन चर्च: हे लैंसडाउन येथे स्थित एक रोमन कॅथोलिक चर्च आहे. दिसायला अतिशय सुंदर असलेलं हे चर्च सध्या बंद आहे, पण इथे तुम्ही छान फोटो काढू शकता.
संतोषी माता मंदिर: लैंसडाउन मार्केटपासून थोड्या अंतरावर (४-५ किमी) स्थित हे मंदिर देखील इथल्या महत्त्वाच्या पर्यटन स्थळांपैकी एक आहे. येथे तुम्ही सुमारे ४०-५० पायर्याि चढून मंदिरात पोहोचाल आणि आईच्या आशीर्वादाने तुम्हाला तेथून शिवालिक पर्वतरांगांचे अतिशय मनमोहक दृश्यही पाहता येईल. या सर्व ठिकाणांनंतरही, लैंसडाउन मधील निसर्गाच्या खोऱ्यांमध्ये फेरफटका मारणे हा एक चांगला पर्याय आहे.
लैंसडाउन कसे पोहोचायचे?: रस्त्याने: जवळचे शहर, कोटद्वार हे उत्तर भारतातील अनेक प्रमुख शहरांशी चांगले जोडलेले आहे. कोटद्वार दिल्लीपासून सुमारे २४० किमी आहे आणि कोटद्वारपासून लैंसडाउन सुमारे ४० किमी आहे. रेल्वेने: सर्वात जवळचे रेल्वे स्टेशन कोटद्वार स्टेशन आहे. तिथून लैंसडाउनला टॅक्सी किंवा बसने सहज पोहोचता येते. हवाई मार्गे: लैंसडाउनचे सर्वात जवळचे विमानतळ जॉलीग्रांट विमानतळ आहे, जे डेहराडूनमध्ये आहे. हे लैंसडाउनपासून सुमारे १५० किमी अंतरावर आहे.