बॉलीवूड फिल्म इंडस्ट्रीमधील प्रसिद्ध अभिनेते आणि दिग्दर्शक सतीश कौशिक आता आपल्यामध्ये नाहीत. गुरुवार, ९ मार्च रोजी सतीश कौशिक यांचे हृदयविकाराच्या झटक्याने निधन झाले. तर गुरुवारीच मुंबईत त्यांच्या पार्थिवावर अंत्यसंस्कार करण्यात आले. सतीश कौशिक पंचतत्त्वात विलीन झाले.
सतीश कौशिक यांच्या निधनाने सेलेब्स आणि चाहते दु:खी झाले आहेत. सगळ्यांना हसवणारे सतीश कौशिक अचानक सगळ्यांना रडवत निघून गेले. वयाच्या ६६ व्या वर्षी गुरुग्राममध्ये त्यांनी अखेरचा श्वास घेतला. बहुमुखी प्रतिभा असलेल्या सतीश कौशिक यांना निरोप देण्यासाठी अनेक बॉलिवूड सेलिब्रिटी आले होते.
View this post on Instagram
अनुपम खेर, अभिषेक बच्चन, सलमान खान, रणबीर कपूर, शिल्पा शेट्टी, जावेद अख्तर, राज बब्बर, फरहान अख्तर, बोनी कपूर, अशोक पंडित, इशान खट्टर आदी सतीश कौशिक यांना निरोप देण्यासाठी त्यांच्या घरी पोहोचले होते. यावेळी सर्वांच्या डोळ्यात दुःख स्पष्ट दिसत होते. सर्वांनी अश्रू नयनांनी दिवंगत अभिनेत्याला निरोप दिला.
View this post on Instagram
पोस्टमॉर्टमनंतर सतीश कौशिक यांचा मृतदेह सायंकाळी उशिरा मुंबईत त्यांच्या घरी पोहोचला. येथे अंतिम दर्शनासाठी मृतदेह काही काळ ठेवण्यात आला होता. यादरम्यान त्यांच्या अंतिम दर्शनासाठी अनेक सेलिब्रिटी त्यांच्या घरी पोहोचले होते.
View this post on Instagram
मुंबईत सायंकाळी उशिरा सतीश कौशिक यांच्यावर वर्सोवा येथील स्मशानभूमीत अंत्यसंस्कार करण्यात आले. यावेळी त्यांच्या अंतिम दर्शनासाठी हजारो चाहत्यांनी गर्दी केली होती. त्याचवेळी बॉलीवूडचे दिग्गज सेलिब्रिटी देखील त्यांना अखेरचा निरोप देण्यासाठी आले होते.
View this post on Instagram
मृत्यूच्या एक दिवस अगोदर सतीश कौशी यांनी बॉलिवूड सेलिब्रिटींसोबत होळी खेळली होती. ते जावेद अख्तर, महिमा चौधरी, अली फजल आणि रिचा चढ्ढा यांच्यासोबत होळी खेळताना पाहायला मिळाले होते. ट्विटरवर सर्वांसोबत फोटो शेयर करत त्यांनी लिहिले होते कि, “जावेद अख्तर आणि शबाना आझमी यांनी त्यांच्या घरी जानकी कुटीर येथे होळी पार्टी दिली. अली फजल आणि ऋचा चढ्ढा या नवविवाहित कपलची भेट झाली. तुम्हा सर्वांना होळीच्या हार्दिक शुभेच्छा.”
View this post on Instagram
अंतिम संस्कारापूर्वी सतीश कौशिक यांच्या मृतदेहाचे पोस्टमार्टम करण्यात आले. शवविच्छेदन अहवालात त्यांच्या शरीरावर जखमेच्या कोणत्याही खुणा आढळल्या नाहीत. त्यामुळे अभिनेता आणि दिग्दर्शकाचा हृदयविकाराच्या झटक्याने मृत्यू झाल्याचे डॉक्टरांच्या टीमने जाहीर केले. एएनआय या वृत्तसंस्थेने ट्विट करून याबाबत माहिती दिली आहे.
View this post on Instagram
सतीश कौशिक यांच्या निधनाची माहिती अभिनेता आणि त्यांचे जिवलग मित्र अनुपम खेर यांनी ट्विट करून दिली. सतीशसोबतचा फोटो पोस्ट करत अनुपम यांनी ट्विटमध्ये लिहिले की, “मृत्यू हे या जगाचे अंतिम सत्य आहे हे मला माहिती आहे, पण मी माझ्या जिवलग मित्र #SatishKaushik बद्दल हे लिहीन असं स्वप्नातही वाटलं नव्हतं. ४५ वर्षांच्या मैत्रीला असा अचानक पूर्णविराम!! सतीश तुझ्याशिवाय आयुष्य कधीच आधीसारखे होणार नाही! ओम शांती!”
View this post on Instagram
