हिंदी चित्रपटांमधील हीमॅन म्हणून ओळखले जाणारे धर्मेंद्र नेहमी आपल्या पर्सनल लाईफमुळे चर्चेमध्ये राहिले. फिल्मी जगतामध्ये पाऊल ठेवण्यापूर्वीच धर्मेंद्रने लग्न केले होते पण फिल्मी जगतामध्ये नाव कमवण्याच्या दरम्यान ते प्रसिद्ध अभिनेत्री हेमा मालिनीच्या प्रेमात पडले.
हेमा मालिनी आणि धर्मेंद्रला दोन मुली आहेत ज्यांची नावे ईशा देओल आणि आहना देओल आहेत. नुकतेच ईशाने आपले वडील धर्मेंद्रबद्दल अनेक खुलासे केले आहेत. तिने सांगितले कि धर्मेंद्र त्यांच्यासोबत रात्रभर राहत नसत यामुळे त्यांना खूप त्रास होत असे.
ईशा देओल धर्मेंद्र आणि हेमा मालिनीची मुलगी आहे जिने बॉलीवूड चित्रपटांमध्ये देखील काम केले आहे. धर्मेंद्र आणि हेमा मालिनीने १९८० मध्ये लग्न केले होते. यानंतर त्यांच्या घरी १९८१ मध्ये मोठी मुलगी ईशा देओलचा जन्म झाला आणि १९८५ मध्ये लहान मुलगी अहाना देओलचा जन्म झाला.
याआधी धर्मेंद्रने १९ व्या वर्षी प्रकाश कौरसोबत लग्न केले होते जिच्यापासून त्यांना ४ मुले झाली. या चारी मुलांची नावे सनी देओल, बॉबी देओल, अजेता आणि विजेता अशी आहेत. दोन लग्न केल्यानंतर धर्मेंद्रच्या कौटुंबिक आयुष्यामध्ये अनेक चढ-उतार आले. तथापि नंतर देखील त्यांनी चांगल्याप्रकारे आपल्या दोन्ही कुटुंबाला सावरले आणि सर्व मुलांना एक समान प्रेम दिले.
ईशा देओलने आपले वडील धर्मेंद्रबद्दल म्हंटले होते कि, तसे लहानपणी बाबा आम्हाला दररोज भेटायला यायचे पण एकाच गोष्टीचे दुख व्हायचे ते म्हणजे ते रात्रभर आमच्यासोबत थांबत नसत. मला आईला आणि लहान मुलगी अहानाला एकटे सोडून ते जात असत. ईशाने सांगितले कि कधी-कधी मी हैराण होत असे जेव्हा बाबा घरी थांबत असत. मी मम्मीला विचारत असे कि बाबा ठीक आहेत का ? आज ते आपल्यासोबत थांबले आहेत.
जेव्हा ईशा देओल मोठी झाली तेव्हा तिला समजले कि तिचे वडील त्यांच्यावर खूप प्रेम करतात आणि दोन्ही कुटुंबाला चांगल्या प्रकारे सांभाळत आहेत. हेमा मालिनीसोबत लग्न केल्यानंतर धर्मेंद्रने आपली पहिली पत्नी प्रकाश कौरला सोडले नाही. त्यांच्यासोबत देखील ते राहिले आणि सर्व मुलांना एक समान प्रेम दिले.
धर्मेंद्रने आपल्या करियरची सुरुवात १९६० मध्ये दिल भी तेरा हम भी तेरे चित्रपटामधून केली होती. यानंतर त्यांनी अनेक सुपरहिट चित्रपट दिले. सध्या ते आपल्या कुटुंबासोबत मुंबईमध्ये असलेल्या फार्महाउस वर राहतात जिथे ते शेती करताना पाहायला मिळतात.
धर्मेंद्र सोशल मिडियावर देखील नेहमी सक्रीय राहतात आणि ते नेहमी आपले फोटो आणि व्हिडीओ शेयर करत राहतात. त्यांच्या अपकमिंग चित्रपटांबद्दल बोलायचे झाले तर लवकरच ते रॉकी अँड रानी की प्रेम कहानी चित्रपटामध्ये पाहायला मिळणार आहेत. धर्मेंद्र यांनी आपल्या हिस्स्याची शुटींग पूर्ण केली आहे.
ईशा देओलच्या करियरबद्दल बोलायचे झाले तर तिने आपल्या फिल्मी करियरची सुरुवात कोई मेरे दिल से पूछे चित्रपटामधून केली होती. यानंतर ती धूम, काल, मैं ऐसा ही हूँ, युवा सारख्या चित्रपटांमध्ये पाहायला मिळाली. पण नंतर तिने फिल्मी जगताला रामराम ठोकला.
तुमची मोलाची प्रतिक्रिया नक्कीच आमच्यापर्यंत पोचवा. ही माहिती तुमच्या मित्रांची नक्की शेअर करा. हा लेख तुम्हाला आवडला असेल तर नक्की लाईक करा आणि आपल्या मित्रांबरोबर शेयर करायला विसरू नका. तसेच आपली प्रतिक्रिया हि मोलाची आहे कमेंट करून नक्की कळवा.
