मनोरंजन जगतामधून एक वाईट बातमी समोर आली आहे. जुन्या काळामधील प्रसिद्ध अभिनेत्री राहिलेली तबस्सुम आता या जगामध्ये नाही. वयाच्या ७८ व्या वर्षी तिचे निधन झाले आहे. तिला काल म्हणजेच शुक्रवारी रात्री हृदयविकाराचा झटका आला होता, ज्यामुळे तिने मुंबईच्या एका हॉस्पिटलमध्ये अंतिम श्वास घेतला.
तबस्सुमने आपल्या फिल्मी करियरची सुरुवात एक बालकलाकार म्हणून १९४७ मध्ये आलेल्या मेरा सुहाग चित्रपटामधून केली होती. ज्यानंतर ती अनेक चित्रपटांमध्ये आणि टीव्ही शोमध्ये पाहायला मिळाली होती. तथापि आता ७८ व्या वर्षी अभिनेत्रीने या जगाचा निरोप घेतला आहे.
काल म्हणजेच शुक्रवारी रात्री तबस्सुमला दोन वेळा हृदयविकाराचे झटके आले. त्यांना पहिला हृदयविकाराचा झटका सकाळी ८.४० वाजता आणि दुसरा ८.४२ वाजता आला ज्यामुळे त्यांचे निधन झाले. आज मुंबईमध्ये त्यांच्या पार्थिवावर अंत्यसंस्कार करण्यात आले.
यादरम्यान त्यांचा मुलगा म्हणाला कि त्यांच्या आईची इच्छा होती कि तिला दफन करण्यापूर्वी तिच्या मृत्यूबद्दल कोणालाही सांगू नये. लहानपणी एक बालकलाकार म्हणून काम करणारी अभिनेत्री तबस्सुम ओळख एक अभिनेत्री म्हणून नव्हती तर तिने एक टॉक शो होस्ट म्हणून देखील आपली ओळख बनवली होती.
दूरदर्शनवर देशामधील सर्वात पहिला टॉक शो फूल खिले हैं गुलशन गुलशनला होस्ट करण्याचे श्रेय तबस्सुमला जाते. हा शो तिने १९७२ पासून ते १९९३ पर्यंत होस्ट केला होता. ज्याद्वारे तिला फिल्म इंडस्ट्रीमधील अनेक दिग्गज सेलेब्रिटींची मुलाखत घेण्याची संधी मिळाली होती. ती एक यूट्यूबर देखील होती. ती आपल्या यूट्यूब चॅनलवरून फिल्म इंडस्ट्री आणि फिल्मी कलाकारांबद्दल न ऐकलेल्या आणि मजेदार गोष्टी सांगायची.
