बॉलीवूड अभिनेता जॅकी श्रॉफचा आज वाढदिवस आहे. जॅकी श्रॉफचा जन्म १ फेब्रुवारी १९५७ रोजी महाराष्ट्रामध्ये झाला होता. २०० पेक्षा अधिक चित्रपट करणाऱ्या जॅकी श्रॉफचे लहानपण अगदी हलाखीच्या परिस्थितीमध्ये गेले. पण नंतर एक काळ असा आला कि जॅकी श्रॉफने अनेक सुपरहिट चित्रपट दिले. चित्रपटामध्ये येण्यापूर्वी जॅकी श्रॉफने एक मॉडल म्हणून देखील काम केले. आपण त्यांच्या फिल्मी करियर बद्दल जाणून आहातच पण आज आपण पाहूयात त्यांच्या लव्ह लाईफबद्दल.
जॅकी श्रॉफने जेव्हा पहिल्यांदा आयशाला पाहिले होते तेव्हा ती अवघ्या १३ वर्षांची होती आणि शाळेच्या गणवेशात बसमध्ये बसली होती. जॅकी न घाबरता तिच्याजवळ गेले आणि आपल्याबद्दल सर्व काही सांगून टाकले. जॅकी तर पहिल्याच नजरेमध्ये आयशाचे दिवाने झाले होते. नंतर त्यांची भेट एका रेकॉर्ड शॉपवर झाली.
आयशाला काहीतरी खरेदी करायचे होते आणि जेव्हा जॅकीने तिची मदत करण्यासाठी सांगितले त्यावेळी तिला समजले कि तो किती चांगला मुलगा आहे आणि तेव्हाच आयशाने निर्णय घेतला कि लग्न करेल तर याच माणसाशी आणि घडलेहि तसेच. सुरवातीच्या दिवसामध्ये जेव्हा दोघे एकमेकांना डेट करत होते त्यावेळी जॅकी एका चाळीमध्ये राहत होते. तर दुसरीकडे आयशा एका मोठ्या घरातील होती आणि तिची लाईफस्टाइल जॅकीपेक्षा खूप वेगळी होती. दोघांच्यामध्ये कधीच पैशामुळे तणाव निर्माण झाले नाहीत. जॅकीसोबत आयशा रस्त्यावर फिरत असे. त्याच्यासोबत बसमध्ये प्रवास करत असे. विशेष गोष्ट हि होती कि जॅकी आधीपासूनच रिलेशनशिप होते.
जॅकीची गर्लफ्रेंड अमेरिकामध्ये राहत होते आणि लवकरच भारतामध्ये परत येऊन त्याच्यासोबत लग्न करणार होती. खूप विचार करून जॅकीने हि सर्व हकीकत आपल्या गर्लफ्रेंड सांगितली. त्याचबरोबर जॅकीने आयशाला देखील सर्व हकीकत सांगितली. परंतु आयशा तोपर्यंत जॅकीच्या प्रेमामध्ये वेडी झाली होती. आयशाच्या सांगण्यावरून जॅकीने त्या मुलीला पत्र लिहिले.
जेव्हा दोघांनी एकमेकांशी लग्न करण्याचा निर्णय घेतला तेव्हा आयशाची आई त्यांच्या या निर्णयावर नाखूष होती. तिने आपल्या मुलीला एक लक्झरी लाइफस्टाइल दिली होती मग अशामध्ये आयशाच्या आईला असे वाटत होते कि तिच्या मुलीने अशा मुलाशी लग्न करणे ठीक नाही जो एका चाळीमध्ये राहतो. अखेरीस दोघांच्याही प्रेमाचा विजय झाला आणि ५ जून १९८७ मध्ये दोघेही विवाहबंधनामध्ये अडकले. लग्नाच्या तीन वर्षानंतर आयशाने टाइगरला जन्म दिला. यानंतर कृष्णा श्रॉफचा जन्म झाला. आज जॅकी श्रॉफ जो कोणी आहे त्याचे सर्व श्रेय तो आपली पत्नी आयशाला देतो.
